Վավերագրողների Ակն ընդ ական համայնքը հայտարարում է վավերագրական ստեղծագործությունների մրցույթ։ Խորագիրն է՝ «Մանկություն․ ուր էինք, ուր հասանք»։
Աշխատանքները կարող են ներկայացվել ֆիլմի, ֆոտոպատմության, երգի կամ տեքստի ձևով։ Ֆոտոպատմությունը պետք է ուղեկցվի համառոտ գրություններով։
Աշխատանքները պետք է հիմնված լինեն իրական փաստերի վրա, սակայն հեղինակը կարող է չսահմանափակել ոճային, ստեղծագործական երևակայությունը։
Հեղինակը պետք է պատմի իր մասին, իր մանկության, անցյալի ու՝ դրանց հետ կապվող ներկայի մասին։ Երեք աշխատանքներ կարժանանան դրամական մրցանակի, յուրաքանչյուրը՝ 80 000 դրամ։
Հուշում․ Հեղինակը կարող է կենտրոնանալ, բայց չսահմանափակվել հետևյալ թեմաներով.
- Իմ տունը
- Իմ բակը
- Մեր խաղալիքները, խաղերը
- Իմ ընկերները
- Իմ դպրոցը
- Իմ սերը
- Իմ վեճերն ու կռիվները
- Իմ երազանքները
- Իմ համալսարանը
- Իմ շուրջը գոյություն ունեցող ենթամշակույթները
- Մանկության ու հայրենիքի հետ կապը
- Քաղաքական փոփոխությունները տարբեր ժամանակներում
- Տարիքի հետ միջավայրի փոփոխությունները
- Ուտելիքների փոփոխությունները
- Հագուստի փոփոխությունները
- Ընկերների փոփոխությունները
- Ընտանեկան հավաքները
- Ինչ էին սովորեցնում ինձ իմ մեծերը, նրանց խրատներն ու նիստուկացը
- Իմ ճամբարները
Աշխատանքներն ուղարկելու վերջնաժամկետն է սեպտեմբերի 1-ը։ Աշխատանքները պետք է ուղարկել community@aknandakan.org հասցեով։ Հարցեր ունենալու դեպքում կարող եք զանգահարել Նարեին՝ 093 53 09 10 հեռախոսահամարով։